125 / 140
та ҫукчӗ. Чей ёлкёриччен митинга кайса килем-ха. Ҫул ҫинче
Михайлов курчё те митингра сӑмах калама хушрё. Тухса кайрё.
«Мӗншӗн-ха каламарӑм Виктор кунта выртни ҫинчен?» —
хама хам вӑрҫса илтём.
Митинг ирттерекен вырӑн пирён умрах. Духовой оркестр
«Интернационал» выля пуҫларӗ. Темиҫе те илтнё валюрра. Анчах
паян, мӗншӗн-тӗр, —ҫӗклет вӑл ӑшри ӑшӑ-ӑшӑ япалана. Ҫывӑх,
ӑнланмалла туйӑнаҫҫӗ сӑмахӗсем, юрлакан ҫыннисем.
«Вставай, проклятьем заклейменный...»
Пыр тӗпне ырӑ куҫҫуль пӳлӗнет.
Алӑк уҫӑлчӗ, ҫаврӑнса пӑхрӑм: Виктор тӑра парать. Куҫӗсем
анса кайнӑ, хырман сухалӗ шӑрт пек персе тухнӑ. Аса килчӗ:
«Нивушлӗ ҫав белогвардеец ман «аттех» пулчӗ-ши»? Эпӗ
ун ҫине шикленсе пӑхрӑм.
—Ман хутсем, кӗнкексем манса юлнӑ кунта. Кам, мӑнакка
пуҫтарса хучӗ-ши? Ан хӑра! Урӑх пурӑнмастӑп сирӗн патра. Паян
каятӑп. Инҫе!
Чӳрече патне пычӗ. Кӗрлесе, юрӑ сасси пырса кӗчӗ:
«Лишь мы работники всемирной
Великой армии труда...»
—Праҫник ӗнтӗ ку? —хӑйӗн нервӑсене ыратгарса карӑнта-
ракан куллипе ман ҫине пӑхрӗ: — Праҫник! Лартасчӗ ҫак
чӳречерен пёр пулемет. Ҫулса тӑкма!
Эпӗ чӗтре пуҫларӑм. Ӑнсӑртран выртакан тукмака алӑ
ҫатӑртаттарса тытрӗ.
«Мӗншӗн-ха Леня килмест?» тесе шухӑшласата ӗлкӗрей-
мерӗм, Леня пырса та кӗчӗ.
Весӗ пӗр-пӗрне курчӗҫ... Хӑрушӑ калама та. Ун пек япала
эпӗ халиччен курман. Иккӗшӗн куҫӗ те юнпа тула пуҫларӗ,
хашкаса сывлани илтӗне пуҫларӗ.
— Каллех! Каллех! —тискеррӗн ҫухӑрса ячё Виктор. —
Хӑтӑлаймастӑп-шим эпӗ санран нихҫан та? Ҫирӗм ҫул хушши!
Тёлёкре те, пурнӑҫра та...
Ҫӑварӗ хӗррине кӑпӑк пуҫтарӑнчӗ, шуралнӑ пит-куҫӗнче
шӑнӑрсем выля пуҫларӗҫ.
—Пӗте пӗлетӗн-и эсӗ хӑҫан та пулсан?!
Кӗсйинчен наган кӑлара пуҫларӗ, ӑна астуса, Леня та аллине
кобура ӑшне чикрӗ. Те амӑшӗ еннеллех переймӗ-хатесе, Виктор
чакса шӑп ман ума тӑчӗ. Наганне ҫӗклеме пуҫларӗ. Хуллен,
хыпаланмасӑр...
121